Këtë fundjavë pritet të mbahet një ndër ceremonitë më të bujshme të martesës në showbiz-in shqiptar, ajo e Ledion Liços me Sara Hoxhën.
Trashëgimtarja e “Top Channel” tashmë ka treguar se ndodhet në Itali, bashkë me motrën e saj Lori dhe sigurisht, familjen e saj.
Çifti nuk ka dhënë asnjë informacion në lidhje me dasmën, por pak kohë më parë u përfol se ceremonia e martesës së Sarës dhe Ledionit do të mbahet në Como të Italisë në datën 11 gusht dhe do të pasohet nga një super festë në datën 12 gusht.
Të ftuarit e parë tashmë kanë mbërritur para ditës së shumëpritur. Moderatorja Albana Osmani ka publikuar një foto nga hoteli ku po qëndron në Como.
Moderatorja Dojna Mema është gjithashtu e ftuar në dasmën e Sarës dhe Ledionit.
Këngëtaret Elvana Gjata dhe Era Istrefi ndodhen gjithashtu në Milano të Italisë, qytet shumë pranë vendit ku do të realizohet ceremonia.
Amarda Toska ndodjet gjithashtu në Como të Italisë.
Atena Pali, partnerja e moderatorit të njohur, Eno Popi, postoi gjithashtu dy ditë më parë në Instastory një video ku na tregon se ka mbërritur në Como të Italisë.
