Princesha që hoqi dorë nga gjithçka për dashurinë dhe u martua me një njeri të thjeshtë duke humbur kështu statusin e saj mbretëror dhe 1.3 milionë.
Kjo martesë ka përçarë opinionin publik dhe është pezulluar për më shumë se tre vjet nga një mosmarrëveshje financiare që përfshin vjehrrën e saj të re.
Mako po shërohet nga ajo që mjekët e pallatit e përshkruan në fillim të këtij muaji si një formë e çrregullimit të stresit traumatik pasi shumë vetë e sulmuan pasi morën vesh lajmin e martesës së saj me njeri të thjeshtë.
Nuk do të ketë dasmë dhe nuk ka pasur rituale të tjera për çiftin. Martesa e tyre nuk festohet nga shumë njerëz, por gjithsesi dashuria është ajo që triumfon mbi gjithçka.
Jo më mbretërore, Mako tani ka marrë mbiemrin e bashkëshortit të saj – një çështje që prek shumicën e grave të tjera japoneze pasi ligji kërkon që çiftet e martuara të përdorin një mbiemër.
Ata do të bëjnë deklarata në një konferencë për shtyp pasdite, por nuk do të marrin pyetje sepse Mako tregoi frikë dhe shqetësim për pyetjet që do të shtroheshin, tha agjencia.
Mako, e cila mbushi 30 vjeç tre ditë para dasmës, është mbesa e perandorit Naruhito. Ajo dhe Komuro ishin shokë klase në Universitetin Ndërkombëtar të Krishterë të Tokios kur njoftuan në shtator 2017 se synonin të martoheshin vitin e ardhshëm, por mosmarrëveshja financiare u shfaq dy muaj më vonë dhe dasma u pezullua.
