Ardian Bujupi është shumë i rezervuar rreth jetës personale dhe postimet me familjarët e tij janë shumë të rralla.
Megjithatë duket se një përjashtim e ka bërë ditën e sotme dhe na ka shkrirë të gjithë zemrat. Këngëtari ka publikuar një foto në Instastory nga një video call që ka zhvilluar me nënën e tij, duke i bërë edhe një dedikim shumë të ëmbël.
” Dashuria ime e parë dhe e fundit!”- ka shkruar autori i hitit “Juliet”, duke na emocionuar pafund, pasi rrallëherë ndodh të shohim të tilla postime nga ai.
Këtë vit këngëtari ka qenë shumë aktiv me muzikë, duke prodhuar hite njëri pas tjetrit. Projekti i fundit i tij mban titullin “Nur noch einmal”, një këngë e gjitha në gjermanisht. “Vetëm edhe një herë” thotë reperi në këtë këngë ku vjen solo, pas disa bashkëpunimesh.
Është kjo kënga e fmashme për të cilën Ardian Bujupi na bëri për ujë të ftohtë disa ditë më parë kur publikoi një video ku shihej i plagosur nga një aksident rrugor. Më pas ai shpjegoi se ishte e gjitha për hir të klipit!
Këtë verë, artisti është komentuar gjatë edhe për lidhjen e tij të dashurisë me modelen Sabrine Khan.
Bëri goxha bujë deklarata e tij në “Shiko kush luan”, duke shkaktuar një keqkuptim të madh te publiku. I pyetur se si e ka emrin Zhulieta e tij, Ardian Bujupi tha “Sabrine”, e teksa ne të gjithë menduam se bëhej fjalë për të dashurën e tij, ai shpjegoi një ditë më pas se ishte e kundërta.
Kjo pasi ai e ka krahasuar me “Zhulietën” e këngës së tij. Në projektin e fundit muzikor, Ardiani flet për një lidhje të shkuar dhe që tashmë kanë mbetur vetëm fotot mes dy ish-partnerëve.
Zërat rreth një romance të mundshme mes saj dhe Ardianit filluan pas këngës së artistit shqiptar “Modela” që u publikua rreth 5 muaj më parë, ku Sabrine shfaqet si protagoniste.
Pas klipit ata u panë shpesh së bashku e nuk i kursyen fotot krah njëri-tjetrit në rrjetet sociale. Jo vetëm kaq.
Edhe në TikTok kanë publikuar disa video mjaft të dyshimta, ku lihet të kuptohet se ndoshta edhe bashkëjetojnë.
Madje për ditëlindjen e modeles autori i hitit “Çika Çika” publikoi një foto ku shihen së bashku në një dhomë gjumi.
Kjo i rriti edhe më shumë dyshimet për romancën e tyre.
Por, për arsye që nuk i dimë tashmë ata nuk janë më bashkë.
