Ish-banorja e “Big Brother Albania”, Gerta Shino është një personazh shumë aktiv në rrjete sociale si dhe me videot që publikon në “Youtube”. Së fundmi, ajo ka shpërndarë një lajm mjaft të ëmbël.
Gerta është bërë nënë për herë të parë.
Gjithashtu, ajo ka bërë me dije se foshnja e saj ka lindur më 18 qershor. Gerta ka postuar dhe foto të ëmbla me foshnjën e saj të sapolindur. Mirëpo, ish-banorja e “Big Brother Albania” nuk ka dhënë detaje lidhur me gjininë e bebes.
“Unë këtë e bëra kastile. 18.06.2022”, shkruan ajo.
Jo vetëm kaq por ajo ka publikuar dhe një video ku shkruan: “Dashuria e jetës time”.
Kujtojmë që Gerta jeton në Novergji së bashku me bashkëshortin e saj. Ajo më herët ka treguar edhe historinë e saj të abortit. Ajo tregoi se i rrezikohej jeta.
“Unë isha shtatzënë, por e humba fëmijën. Nuk ka qenë një abort me dëshirë normalisht, ka qenë pa dëshirën time, ka qenë i detyruar sepse nëse nuk e bëja, do të humbisja jetën. Ka qenë një gjë që nuk e kisha në dorë dhe nuk mund ta shpëtoja, as unë, asnjë tjetër. Fëmija ishte jashtë mitre dhe unë kisha shumë pak kohë që e kisha marrë vesh. E kam marrë vesh që isha shtatzënë më datë 14 shkurt. Bëra testin dhe doli pozitiv. Unë dhe Florenti e ndjenim që nuk do ta kishim beben. Unë isha 5 javëshe. Ishte një eksperiencë shumë e bukur, por e çuditshme. Kalova një javë të bukur, sepse bëja plane me Florentin për beben. Bënim plane për familjen tonë. Isha shumë e lumtur, por nuk ishte e shkruar. Pas një jave që mora lajmin, u bëra ekstremisht keq. U ndjeva shumë keq, më ra gati të fikët. Nuk kisha dhimbje barku, nuk e dyshova se mund të ishte fëmija. Krizat sa vinin dhe forcoheshin dhe thosha do vdes. Nuk kisha forcë për asgjë, isha ulur dhe vetëm rënkoja. Florenti ishte në punë. Kur e pashë që s’kisha zgjidhje, mora një ilaç, e piva. Kam kaluar katër orët më të tmerrshme të jetës sime. Nuk merrja dot frymë, më dukej sikur po më thernin. Më binte të fiktë, çohesha prapë, të gjitha këto vetëm, me një dritare të hapur. Po dridhesha. Kur erdhi Florenti, shkuam në spital. Më kanë mbajtur në urgjencë deri në tre të mëngjesit. Kam ndenjur katër orë kot aty se nuk e dinin se ç’kisha. U thashë më çoni te gjinekologia, se doja ta dija si është bebja. Doja të sigurohesha që ishte mirë. Kur shkova te gjinekologia, doli që barku im ishte i mbushur plot me gjak, kur e pashë tek ekrani që nuk dukej asnjë bebe. I thashë ku është bebi? Më tha nuk e shikoj fare. Bëri një kontroll tjetër dhe më tha që bebja është jashtë mitre, u shokova. E dija që nuk kishte shpëtim. Ishte gjallë, nuk kishte vdekur. Nga kjo u ndjeva akoma më keq, sepse e dija që bebja ishte gjallë dhe duhej ta hiqnim dhe ta vdisnim, sepse ai aty nuk rritej dot kurrë jashtë mitre. Nuk do ta merrte kurrë ushqimin. Po ndihesha egoiste, se do jetoja unë, por ai jo. Më futën në operacion, më tha doktoresha nëse nuk futesh, do të vdesësh se gjithë hemorragjia që ke në bark do të shpërthejë në gjithë trupin. Operacioni zgjati një orë. Doktoresha më tha që arsyeja pse fëmija ishte jashtë mitre, ishte sepse tubi i majtë i mitrës time ishte i bllokuar. Ndihem shumë në faj se më duket sikur trupi im e vrau fëmijën. Sikur trupi im nuk e mbante dot një fëmijë. Sikur dështova në mbajtjen e një bebeje. Sikur nuk ia kam ushtruar kushtet që të jetojë, por e kam lënë në një cep”, ka treguar ajo më herët.
