Në muajin tetor Arbana Osmani dhe Eduart Grishaj u bekuan me një djalë, të cilin e pagëzuan me emrin Diell. Vogëlushi ka ndryshuar krejtësisht jetët e tyre dhe Arbana nuk lë moment pa e treguar këtë gjë.
Këto kohë moderatorja i është përkushtuar totalisht rritjes së të voglit, duke i qëndruar gjithmonë pranë.
Portretin e të voglit s’e kemi parë, por në rrjete sociale s’kanë munguar momentet e ëmbla me të. Si mami Arbana, ashtu edhe babi Eduarti ndajnë shpesh foto e video me të voglin e tyre.
Fotoja e fundit e publikuar nga moderatorja në InstaStory është një dashuri dhe na bëri akoma më shumë kuriozë të shohim portretin e Diellit.
Arbana ka publikuar një foto ku i vogli ka shtrënguar dorën e saj dhe kjo pozë na i shkriu zemrat të gjithëve.
“Dashuria ime e vogël.”- shkruan moderatorja, e cila na ëmbëlsoi të gjithëve me këtë foto.
Si çdo vit, Arbana do të rikthehet edhe këtë janar në ekran me emisionin e saj “Dua të të bëj të lumtur”, për të cilin përgatitjet kanë nisur prej kohësh.
Kësaj here ky program vjen me ndryshime, siç bën të ditur moderatorja në një postim në InstaStory.
Bëhet fjalë për ndryshime në skenë, pasi më shumë se çdo herë tjetër, këtë vit studioja e “Dua të të bëj të lumtur” do të jetë plot e përplot me drita.
Në videon e publikuar në InstaStory, Arbana shkruan:
“Ndërsa në studion e ‘Duas’ këtë vit më shumë dritë, më shumë shkëlqim, më shumë yje.”
