Prej 2 vitesh Angela Martini është e martuar me Dragos Savoulescu. Martesa e tyre erdhi krejt papritur e po ashtu nuk ishte fare e zakonshme nga ato që jemi mësuar të shohim. Në vend të fustanit të bardhë Angela veshi një të zi dhe pavarësisht se gjithçka u bë shumë shpejt martesa e tyre ka shkuar për mrekulli. Madje Dragos pak kohë më parë pati edhe probleme me drejtësinë, por kjo ngjarje e forcoi akoma më shumë lidhjen e tyre.
Kudo ata janë shfaqur të lumtur bashkë dhe Angela sapo ka zbuluar sekretin e një marrëdhënie të shëndetshme në çift. Ajo ka zhvilluar një intervistë virtuale me ndjekësit e saj, të cilët i kanë kërkuar çelësin e suksesit në një lidhje dashurie.
“Dashuri e vërtetë dhe shumë seks”, ka shkruar Angela.
Në fakt këto janë dy elementët bazë në një marrëdhënie, madje për Angela-n duket se janë faktorët kyç për ecurinë e saj. Kujtojmë se lidhja e Angela Martinit me Dragos ka qenë gjithmonë në qendër të vëmendjes mediatike dhe në jo pak raste modelja është përfolur për shtatzëni. Rasti më i fundit ishte gjatë verës së vitit që lamë pas, kur fansat nisën të aludonin se Angela ishite shtatzënë për shkak të një fotografie. Mirëpo më vonë rezultoi se këto pretendime nuk ishin të vërteta dhe Angela nuk është bërë ende nënë.
