Mbrëmjen e 29 nëntorit, Liridona ishte më e lumtur se kurrë! Pak para ngjarjes së rëndë, Naim Murseli e ftoi që të darkonin bashkë me dy fëmijët në një restorant në Graçanicë, por se çfarë do të ndodhte më pas vetëm ai e dinte.
Sipas mediave të Kosovës, në restorant të pranishëm ishin dhe autorët që do të kryenin vrasjen. Në oborr është parë, Granit Plava duke kontrolluar situatën dhe çdo lëvizje të familjes teksa darkonin.
Plava dhe bashkëpunëtori tjetër, Kushtrim Kokalla dyshohet se janë nisur më përpara drejt vendit ku ishte planifikuar vrasja.
Gjatë rrugës ata kanë ndërruar makinën me të cilën ishin larguar nga restoranti në Graçanicë. Kur çifti ka mbërritur në një zonë të fshehtë në fshatin Sinidoll të Prishtinës, Plava ka qëlluar me një plumb në qafë Liridonën duke i shkaktuar vdekjen fatale.
