Danyel Smith, ish-kryeredaktore e revistës ‘Vibe’, ka bërë akuzata të rënda ndaj Sean “Diddy” Combs, duke pretenduar se ai e ka kërcënuar me vdekje për mosmiratimin e fotografive të një kopertine të revistës. Smith ka zbuluar se Combs i tha se do ta shihte të vdekur “në një bagazh” nëse nuk i tregonin fotografitë para publikimit.
Këto akuza janë bërë publike në dokumentarin e ardhshëm “Rënia e Diddy”, ku Smith shpjegon se kjo ishte një politikë e revistës për të mos i treguar askujt përmbajtjen e kopertinës para publikimit. Pas këtij kërcënimi, Smith ka kërkuar falje përmes avokatit të saj, duke kuptuar më pas se Diddy kishte dërguar njerëz për ta frikësuar.
Çështja e ngritur nga Smith ngjan me akuzat e tjera që janë bërë ndaj Combs, të cilat përfshijnë përdorimin e shantazhit dhe dhunës për të mbajtur viktimat në heshtje.
Aktualisht, Sean Combs është në paraburgim për akuza të trafikimit seksual dhe shantazhit, por ai ka mohuar të gjitha akuzat dhe është deklaruar i pafajshëm. Dokumentari “Rënia e Diddy” do të debutojë më 27 dhe 28 janar në Investigation Discovery dhe Max, duke trajtuar një periudhë të gjatë të akuzave për abuzim dhe dhunë që lidhen me emrin e tij.
