Një aksident i rëndë ka ndodhur sot në qytetin e Gjilanit me pasojë vdekjen e 1 personi dhe plagosjen e dhjetërave të tjerë.
Iconstyle.al ka siguruar pamjet e rënda kur një kamion humb kontrollin për t’u përplasur me vetura të tjera përballë.
Burime për iconstyle.al raportojnë se në aksident janë përfshirë 8 mjete, mes të cilave kamioni që duket të jetë shkaktari i këtij aksidenti masiv.
Burimet e para nga vendi i ngjarjes flasin për një të vdekur dhe rreth 20 të tjerë të plagosur.
Qerim Çoçaj, 60 vjeçar, është identifikuar si viktima e aksidentit të tmerrshëm në Gjilan, i cili ndodhi rreth orës 13:20 minuta. Çoçaj ishte pronar i një furre në qytetin e Gjilanit.
Ende nuk dihen detaje të reja mbi ngjarjen e rëndë, ndërsa policia po punon deri në zbardhjen e plotë të aksidentit.
