“Daily Mail” ka publikuar videon shokuese në Pejë, ku infermieret dhunuan fizikisht një të moshuar në shtëpinë e të Moshuarve.
Prestigjiozja “Daily Mail” ka shkruar ndër të tjera se e moshuara ndodhet në gjendje të rëndë pasi është sulmuar nga punonjësja.
Një pjesë e shkurtër nga artikulli:
“E moshuara duket se është në gjendje të rëndë, pasi është sulmuar nga punonjësja. Pas ngjarjes, infermierja dhe një punonjëse e shtëpisë së të Moshuarve u arrestuan. Në një deklaratë, Policia e Kosovës tha se në bazë të videos që qarkullon në rrjetet sociale, zyrtarët kanë identifikuar personat dhe kanë arrestuar dy të dyshuara rreth orës 14:10 të ditës së djeshme. Ata thanë: “Të dyshuarat janë duke u intervistuar nga hetuesit e stacionit policor në Pejë dhe veprimet e mëtejshme do të ndërmerren në koordinim të plotë me prokurorinë e shtetit”.
Është zbardhur dëshmia e infermieres së qendrës “Orenda”, Aurona Pelaj. Kjo e fundit është shprehur se “nuk e ka dhunuar apo goditur me forcë të madhe” të moshuarën dhe se gjithçka ishte për vetëmbrojtje.
DËSHMIA E PLOTË
Unë kur kam filluar punën ajo ka qenë banore e shtëpisë dhe nga mjeku është konstatuar se ka çrregullime mendore. Në ditën kur ka ndodhur rasti ajo ka qenë shumë agresive dhe kohë pas kohe përjetonte kriza nervoze dhe për këtë kemi njoftuar doktorin
Atë ditë, kemi pasur për detyrë që tu ndërrojmë pampersat pasi e moshuara (viktima) kishte kryer nevojën fiziologjike dhe me duart e saj kishte ndotur hapësirën. Unë kam dëgjuar një zhurmë te banjoja dhe kam shkuar që të shikoj. Aty koleget e mija kishin pasur telashe dhe desha të ndihmoj. Ajo (viktima) më ka sulmuar dhe më ka shkaktuar lëndime në dorë, më ka sulmuar me shqelm e para
Unë nuk kam përdorur dhunë e as forcë të madhe përveçse të ndaloja sulmin e saj ndaj meje. Ajo atë ditë ka sulmuar edhe një banore tjetër. Në shkollë kemi mësuar se për personat që paraqesin rrezik për personelin dhe kanë probleme psiqike, duhet të tregohemi dominant ndaj tyre
Unë jam e vetëdijshme se veprimi ka qenë i tepruar dhe nën afekt, por më ka sulmuar ajo e para dhe veprimet e mija kanë qenë paralajmëruese dhe jo me forcë të madhe. Koleget e mija janë munduar ta vënë nën kontroll atë (të moshuarën). Janë munduar me forcë ta ndërrojnë, ka qenë e fuqishme dhe janë dashur disa veta ta vënë nën kontroll”, mësohet të ketë thënë infermierja, raportojnë mediat kosovare
