Një kombinim i rrallë, por i suksesshëm, është ai i Dafina Zeqirit dhe kushëririt të saj, Pëllumbi.
Pëllumb Çitaku është menaxheri i Dafinës, njeriu që rregullon çdo gjë për të dhe që i qëndron pranë gjatë gjithë kohës.
Sot, këngëtarja vendosi t’i shprehë publikisht mirënjohjen, duke publikuar në Instagram foto me të gjatë një dite plazhi në Sarandë.
E veshur me një bikini të verdhë dhe kapele, Dafina Zeqiri i bën foto kushëririt të saj.
Në postimin e saj, shkruan:
“7 vite dhe ka akoma”, duke etiketuar partnerin e saj të ekipit “Moneyz”, që është ekipi që menaxhon Dafinën, i bashkëthemeluar prej saj.
Ajo publikoi edhe një video, ku shikohet bashkë me Pëllumbin duke kërcyer këngën e saj më të fundit, “La Reina” dhe shkruan:
“Me kushëririn tim të preferuar dhe menaxherin Pëllumb Çitaku”.
Gjithashtu, këngëtarja zbuloi se është bërë bjonde.
Pëllumbi u bë menaxheri i Dafit në 2012-ën, pasi Dafina kishte shkëputur lidhjet me ish-menaxherin dhe njëherësh asokohe të dashurin e saj, Krenar Cocaj.
Krenari, është partneri i Luana Vjollcës tashmë prej tri vitesh.
