Këngëtarja e njohur Dafina Zeqiri ka reaguar e revoltuar në rrjetet sociale, në lidhje me një ngjarje të ndodhur në Tiranë.
Teksa ka ripostuar ngjarjen në rrjetin social Instagram, Dafina ka shkruar:
“Pse gjithë ky agresivitet? Pse kaq nervoz për çfarë arsye? Ku na humbi respekti dhe mirëkuptimi për njëri-tjetrin? Çfarë po na ndodh?”
Për çfarë ngjarje bëhet fjalë?
Një qytetari i është rrezikuar jeta nga një grua, e cila nuk ndaloi në vijat e bardha. Ajo e ka përplasur, por lehtë fatmirësisht. Por nuk ka mjaftuar kjo. Burri është inatosur dhe i është kthyer gruas që e përplasi por kjo e fundit nuk e ka duruar dot këtë dhe ka dalë nga makina dhe e ka goditur.
Ai përpiqet t’i thojë që nuk ka asnjë faj, pasi është në vijat e bardha, por gruaja nuk e ndal dhunën. “Joq” raporton se ngjarja ka ndodhur në Kamëz.
Nga ana tjetër, kujtojmë se Dafina Zeqiri prej vitesh po shijon një lidhje dashurie me DJ Geek, i cili po ashtu është pjesë e grupit Moneyz. Dyshja e konfirmoi romancën e tyre në fillim të 2020-ës.
Për muaj me radhë ata u vendosën në qendër të vëmendjes, për lidhjen e papritur të dashurisë dhe ndarjen po aq të shpejtë të tyre.
Vetëm disa muaj nga lidhja e tyre, Dafina deklaroi se kishin vendosur të ndahen.
Ndonëse të ndarë ata vijuan të shoqërohen me njëri-tjetrin dhe të punonin si më parë duke u shfaqur kudo bashkë. Në fund të 2021, Dafina dhe Geek konfirmuan rikthimin me njëri-tjetrin dhe që atëherë janë shfaqur shumë të lumtur dhe të dashuruar.
