Yll Limani është një nga emrat më në zë të muzikës shqiptare, që gjithmonë surprizon me projektet e tij që bëjnë diferencën.
Për shkak të zhanrit që lëvron, Ylli është profilizuar si një artist romantik, melankolik që sjell këngë të cilat ia dalin të kthehen në hite edhe pa patur një videoklip.
Siç duket, 2021-shi është një vit i vrullshëm për Yllin, i cili po na “bombardon” me projekte të reja.
Vetëm pas ditë pas këngës së fundit, “Ndoshta”, këngëtari na solli një tjetër perlë. Sonte, ai publikoi këngën e re në bashkëpunim me Cricket, të titulluar “Pray”.
Kjo këngë erdhi pa lajmërim fare, ndaj dhe ishte një surprizë tepër e bukur për mbrëmjen e sotme.
Nga ana tjetër, kujtojmë se këngëtari ka bërë të ditur pak ditë më parë në rrjetet sociale se që tani e tutje do të jetë në menaxhimin e mikut të tij më të mirë, Bonart Ajvazi.
Më 26 dhjetor 2020 Yll Limani bashkoi forcat me një prej emrave më të suksesshëm të muzikës shqiptare për të sjellë një nga duetet më të bukura si një dhuratë për fundvit. “Mos shko” mban titullin kënga e tyre që është bërë menjëherë virale.
Teksti i këngës është shkruar nga Dafina dhe reperi Elinel, e është pjesë e albumit të këngëtares “Dafinë moj”. Dy këngëtarët janë kujdesur në çdo detaji për videoklipin, ku Dafina shfaqet si gjithnjë me look ekstravagant, kurse Ylli një simpatik i përhershëm.
