Këngëtarja e hitit “Jealous”, Enca Haxhia, është ndër të parat shqiptare që ka arritur plot 2 milionë ndjekës në llogarinë e saj në Instagram.
Vazhdimisht ajo ndan me fansat momente jo vetëm nga puna, por edhe nga jeta e saj private, ndërsa së fundmi ka vendosur t’i përgjigjet pyetjeve kurioze të fansave të saj.
Njëri prej tyre e pyet këngëtaren se cili është tipi i mashkullit ideal për të dhe Enca s’ka ngurruar t’i përgjigjet:
“Suportiv, inteligjent, içik artist patjetër, së paku në zemër, punëtor, i edukuar, besnik, me sens humori, i papërtuar, dikush që më jep paqe.”- ka treguar Enca në Instastory.
Mirëpo, duke parë se këto janë shumë kërkesa, ajo vazhdon me humor në një tjetër story:
“Pra, ai nuk ekziston.”
Kujtojmë se dy ditë më parë, Enca u bë kryefjala e mediave pasi publikoi për herë të parë një foto me një mashkull që me siguri ishte partneri i saj. Ajo kishte fotografuar duart e tyre ku trokisnin gotat me pije, teksa shijonin ditën së bashku në pishinë.
