Stilisti i mirënjohur shqiptar, Valdrin Sahiti, ka mirëpritur në jetë bekimin e tij të dytë.
Burime për “Prive” bëjnë me dije se stilisti dhe bashkëshortja e tij Edita janë bërë sërish prindër duke sjellë në jetë vajzën e tyre të dytë. Edita lindi në Washington dhe fatmirësisht, si nëna dhe vajza janë në gjendje të mirë shëndetësore.
Vetë stilisti s’ka ndarë ende asnjë njoftim për lajmin e bukur në rrjete sociale.
Falë punës dhe talentit të tij, Sahiti ka arritur të jetë mjaft i njohur dhe për tregun ndërkombëtar, ashtu siç ndodhi dhe së fundmi.
Modelja e famshme, Winnie Harlow festoi ditëlindjen dhe ia la në dorë atij paraqitjen e saj për eventin. Kjo festë u organizua dje edhe pse modelja mbushi 27 vjeçe më 27 korrik.
Në imazhet e publikuara në rrjetet sociale, modelja rrezatonte teksa shfaqej e veshur me fustanin e krijuar nga Valdrin Sahiti, i cili si gjithmonë ishte i kuruar deri në detaje.
Kjo nuk është hera e parë për dizanjerin pasi ai ka veshur edhe emra të njohura të skenës ndërkombëtare.
Për të folur për këtë, Valdrin Sahiti ka qenë para pak kohësh i ftuar në emisionin “NiN” në Klan Kosova.
Sahiti rrëfeu për rrugëtimin e tij drejt suksesit dhe si arriti që emrin e tij ta kthente në një brand. Pak javë më parë emri i tij bëri bujë pasi Beyonce zgjodhi të vishej me një nga krijimet e tij në mbrëmjen e ceremonisë së çmimeve Grammy.
