Sot te rubrika “Trotuar” në emisionin “E Diell” të Top Channel ishte ftuar edhe Fationi, ish-konkurrenti i “Për’puthen 2”.
Fationi shpesh kujtohet për bëmat dhe shprehjet e tij, të cilat nuk mungojnë në asnjë intervistë.
Tema e ditës ishte nëse mund të lidhesh me ishin e një shoku apo të një shoqeje dhe Fationi ishte kategorik në këtë temë.
“Unë jam shumë kundra kësaj, nëse e ke të njohur është tjetër gjë, sepse mund të njihesh me të gjithë edhe mund të ndodhi. Po të kesh dikë shok, që e konsideron tamam të tillë e të lidhesh me dikë që minimalisht mund të kenë ndarë edhe shtëpinë me atë shokun, nuk jam dakord. Më duket shumë absurde.Imagjino ti mund të kesh dalë me atë femër si e dashura e shokut dhe ti gjithmonë e ke parë me atë syrin që është e pamundur.Më duket shumë gjë e ulët.”,- u shpreh ai.
Fationi tha se nuk ndodh as të dashurohesh pasi njeriu disa gjëra i paraprin.
Ish-konkurrenti i shihte dhe shoqet si të pamundura dhe nuk do emocionohej as po t’i shihte pa rroba në trup.
“Kur i shikon gjërat e pamundura nuk të shkon mendja. Ne flasim edhe për shoqe, kur ke një shoqe të ngushtë ty nuk të shkon mendja edhe ta shikosh lakuriq nuk të jep asnjë lloj emocioni.”,- tha Fationi.
