Çudirat në vendin tonë nuk kanë fund!
Krejt papritur një numër i madh personazhesh të njohur kanë nisur të punësohen në administratën shtetërore. Orët e fundit në rrjete sociale dhe media po qarkullon lajmi se Zaimina Vasjari, këngëtarja shqiptare që prej kohësh ka qëndruar e tërhequr nga muzika, ka marrë një post pune në UKT.
Në dokumentin e bërë publik, ajo figuron e punësuar si specialiste në drejtorinë e Ujësjellës Kanalizime në Durrës, në degën e Shijakut. Këngëtarja është emëruar në këtë detyrë prej datës 10 qershor, ndërsa vendimin mban firmën e drejtorit të Ujësjellësit Spartak Kovaçi.
Pa marrë ende ansjë regaim nga Vasjari për këtë lajm, një tjetër lajm i ngjashëm i ka habitur të gjithë. Gazetari Bledi Mane prej 3 vitesh tashmë punon si inspektor i Mjedisit në Kukës. Në një dokument zyrtar thuhet se Mane emërohet në pozicionin Inspektor, sektoi Kukës, në sektorin e Policisë Pyjore, pranë Inspektoriatit Shtetëror të Mjedisit, Pyjeve dhe Ujërave dega rajonale Kukës.
Ky urdhër ka hyrë në fuqi nga qershori i vitit 2018-të dhe mban firmën e kryeinspektorit Armando Lamaj.
Kujtojmë se pak kohë më parë bëri bujë lajmi i punësimit të gazetareve, Mira Kazhani dhe Bieta Sulo në Ujësjellës Kanalizime në Tiranë. I çuditshëm është fakti se si këta personazhe emërohen në të tilla poste të rëndësishme, duke pasur parasysh që nuk kanë as eksperiencën e as arsimimin e përshtatshëm, që është tepër i domosdoshëm për një punë në administratë.
