Pavarësisht moshës, Eli Fara mbahet si një ndër femrat më të bukura të ekranit shqiptar.
Këngëtarja shqiptare edhe sot e kësaj dite po konkurron denjësisht femrat e reja me hiret e saj.
Megjithatë prindërit tanë me siguri i mbajnë mend fillimet e karrierës së këngëtares, e cila shfaqej me një nishan në faqen e majtë, të cilin sot nuk e ka më.
Në një intervistë për “Një kat më lart” ajo ka zbuluar një detaj të së kaluarës, që lidhet me zhdukjen e nishanit.
“Kur xhiroja klipet me regjisorin Pali Kuke në ‘97, ai ishte i pakënaqur me profilin. Nishani ndryshonte formën, filloi të zmadhohej, nuk kishte më bukurinë e fillimit. Që atëherë thashë nuk e dua më, si do t’ia bëj me këtë nishanin. Ishte koha e luftës në Kosovë dhe takoj një mjek të famshëm të Kosovës. Sa e takova më tha ‘Sa herë të kam parë, kam thënë do t’ia heq nishanin’. I thashë edhe unë e kam në mendje por kam frikë. Më mbajti leksione duke më thënë që sa më parë ta heqësh aq më mirë bën se eviton problemin që mund të sjellë më vonë dhe pranova”, u shpreh këngëtarja.
