Tayna ishte ditën e djeshme vajza e ditëlindjes dhe ndryshe nga çdo personazh tjetër, ajo nuk ka pritur aspak dhe ka uruar menjëherë veten sapo akrepat kanë shënuar 00:00.
Në llogarinë e saj në Instagram, Tayna ndau një foto super seksi me shkrimin akoma më pikant krahas saj, ku uronte veten për ditën e shënuar.
“Çika sa 10 djem”, siç ajo quan veten, ka lindur më 14 dhjetor të vitit 1996 dhe mbushi 24 vjeç, duke na vërtetuar edhe një herë se mosha është thjesht numër.
View this post on Instagram
Në fakt, këtë ditëlindje Tayna e ka pritur në shoqërinë e miqve e personave më të afërt, duke organizuar një festë të madhe ditëlindjeje.
Reperja u shfaq super seksi, e veshur me një fustan të shkurtër rozë pas trupit, i cili gjithashtu i tregonte bustin.
Në videot e shumta të ndara nga miqtë në rrjete sociale, Tayna është filmuar duke kërcyer, duke fryrë qirinjtë e duke prerë tortën e saj të ditëlindjes.
Padyshim miq, familjarë e fansa nuk kanë ngurruar ta urojnë reperen në rrjetet sociale, ku i kanë shprehur fjalët më të bukura.
Por, vëmendje mori urimin i reperit gjerman Bonez, i cili numëron mbi 2.4 milionë ndjekës në Instagram dhe është shumë i suksesshëm jashtë.
Ai ka ndarë në Instastory foton që reperja postoi në Instagram për të uruar veten, pa shkruar asgjë.
Pak javë më parë, menaxheri i Taynës, Rinor Hykolli në një prononcim për “iconstyle.al” bëri me dije se Tayna ka gati edhe dy bashkëpunime ndërkombëtare, por pa zbuluar emra.
Për shkak të pandemisë videoklipet e këtyre këngëve ende nuk janë xhiruar, por shpresojmë që shumë shpejt të mësojmë se çfarë po na gatuan Tayna.
Të jetë reperi gjerman njëri prej tyre?
