Këtë verë duket se do kemi shumë hite, pasi këngëtarët shqiptarë po përgatisin surpriza të ndryshme, qofshin këto bashkëpunime, qofshin solo.
Deri tani jemi njohur me disa prej tyre, por ende shumë të tjera do e shohin dritën e publikimit shumë shpejt, dhe si duket në mesin e artistëve që do sjellin një këngë të re është edhe Ardian Bujupi, i cili prej disa ditësh ndodhet në Kosovë, por nuk kanë munguar as vizitat në Shqipëri dhe ne për këtë ju paralajmëruam disa ditë më parë.
Autori i hitit “Andiamo” publikoi disa video mbi një jaht në mes të detit dhe sipër tyre shkruan “A jeni gati”.
Ditën e sotme ai ka shpërndarë një postim në Instagram ku njofton se kënga mban titullin “Panorama” dhe madje nuk do jetë solo, por në bashkëpunim.
Ardiani ende nuk ka zbuluar se me kë po bashkëpunon, duke na lënë edhe pak në pritje.
https://www.instagram.com/p/CCG4l4Thuei/?igshid=11opw1chomfe1
Kënga e fundit e këngëtarit është publikuar para një muaji dhe mban titullin ‘Modela’.
Ky klip duket se ka qenë një ogur i mirë edhe në dashuri, pasi Ardiani ka nisur një romancë me modelen e këngës, indianen Sabrine Khan.
Nëse i hidhni një sy profileve të tyre në Instagram, çifti ndan foto e video të ndryshme ku duken shumë simpatikë krah njëri-tjetrit.
https://www.instagram.com/p/CBQtSlxBAPH/?utm_source=ig_embed
