Një tjetër shtet europian ka ndaluar hyrjen e shqiptarëve në territorin e tij. Këtë herë është Austria që ka pezulluar fluturimet nga Shqipëria nga data 16 deri në 31 korrik.
Ka qenë ambasada shqiptare në Vjenë e cila ka njoftuar se ministri austriak i Shëndetësisë ka firmosur rregulla të reja, sipas së cilave lista e ndalimit tё fluturimeve drejt Austrisё zgjerohet me 10 vende tё reja, duke e çuar nё total numrin e ndalimeve nё 18. Ky ndalim vjen pasi këto vende nuk përmbushin ende kriterin kryesor të menaxhimit të pandemisë Covid-19, që ka të bëjë me numrin e infektimeve për çdo 100.000 banorë.
Kështu Austria ka vendosur që të pezullojë fluturimet me të gjitha shtetet e Ballkanit Perëndimor, Rumaninë, Bullgarinë dhe Moldavinë.
Njoftimi i plotë:
Njoftojmё se, Austria do tё pezullojё fluturimet nga Shqipëria nga data 16 korrik deri nё datёn 31 korrik 2020!
Ministri i Shëndetësisë, z. Rudolf Anschober, ka firmosur rregulla të reja, sipas së cilave lista e ndalimit tё fluturimeve drejt Austrisё zgjerohet me 10 vende tё reja, duke e çuar nё total numrin e ndalimeve nё 18. Nё listёn e ndalimit tё fluturimeve do tё pёrfshihen vendet e Ballkanit Perëndimor, Rumania, Bullgaria dhe Moldavia.
Bёjmё thirrje tё gjithё shtetasve shqiptarё me leje qendrimi nё Austri dhe tё gjithё tё interesuarve tё marrin masa tё menjёhershme pёr tё shmangur bllokimin e tyre!
