Koncerti i Coldplay në Indi mezi po pritet! Që kur ata vizituan Indinë vitin e kaluar, thashethemet për koncertin e tyre në këtë shtet nuk kanë ndaluar. Më 9 shtator, u konfirmua se banda do të performojë më në fund më 19 nëntor në Mumbai, por gjithashtu i shokoi të gjithë njerëzit. Në fillim mediat vendase raportuan se biletat do të varionin 332 euro dhe më shumë.
Por pasi ky fakt u bë virale në mediat sociale, organizatorët e spektaklit, Global Citizen, të cilët fitimet i përdorin për të luftuar varfërinë ekstreme, menduan se ishte koha e duhur për informacionin zyrtar.
Nëse qytetarët e Indisë po shqetësoheshin se sa mund të ishte bileta, tani zbulohet se spektakli do të jetë falas.
I krijuar në vitin 2012, ky festival zhvillohet çdo vit në Central Park në Nju Jork, në kuadër të Asamblesë së Përgjithshme të OKB-së për të nxitur liderët e gjithë botës të mbledhur në Kombet e Bashkuara, që të reagojnë kundër varfërisë.
“Ashtu si festivali jonë vjetor në Central Park, biletat për festivalin në Indi do të jenë falas. Fansat mund t’i fitojnë duke zhvilluar veprime për të mbështetur edukimin, barazinë, apo duke marrë pjesë në fushata sanitare”, thuhet në faqen zyrtare të organizatës.
Koncerti i Coldplay do të zhvillohet me rastin e “ditës botërore të tualeteve”, që përqendrohet mbi problemet sanitare në shumë vende dhe kryesisht në Indi, ku gjysma e popullsisë nuk ka akses në tualete, që përbën një rrezik madhor për shëndetësinë e popullsisë.
Në fakt grupi ka zhvilluar xhirimet e këngës së tyre më të fundit “Hymn for the weekend”, që doli në janar, në Indi, ndonëse kritikët theksonin se ata paraqisnin një imazh stereotip për këtë vend.
Nga ana tjetër Global Citizen Festival këtë vit do të zhvillohet më datën 24 shtator në Central Park me pjesëmarrjen e yllin e rrymës R&B, Rihanna, të grupit hard rok, Metallica dhe të reperit, Kendrick Lamar.
Burimi: IndianExpress
