Ditën e djeshme ishin Krishtlindjet dhe sigurisht nuk munguan urimet speciale plot dashuri nga personazhet publike.
Ata kanë uruar fansat e tyre në rrjetet sociale ku kanë ndarë foto të veçanta, duke i shoqëruar me fjalët më të përzemërta.
Vëmendje mori sidomos kartolina e çiftit Shawn Mendes dhe Camila Cabello të cilët postuan në rrjetet sociale disa foto nga vaska, duke u dërguar ndjekësve urimet më të sinqerta dhe sigurisht më të nxehta.
Kohët e fundit nuk kam qenë shumë e dhënë pas fotove të bukura, por kjo duket mirë për Krishtlindje! Faleminderit Babagjysh që më solle burrin tim të gjatë, të ëmbël dhe funny.”
Camila dhe Shawn udhëtuan drejt Kanadas për të kaluar pushimet e fundvitit me familjen e këngëtarit.
Disa ditë para Krishtlindjeve këngëtari kanadez dhe e dashura e tij u bënë fansave të tyre një dhuratë të hershme duke publikuar këngën e tyre të papritur “për të përhapur dashuri dhe mirësi”, siç ata e cilësuan.
Camila dhe Shawn publikuan versionin e tyre të “The Christmas song”, që për 13 orë mori mbi 1.1 milionë klikime.
Cabello në një postim në Instagram shkroi, “Ky ka qenë një vit kaq i çmendur me kaq shumë sfida. Këtë sezon festash, është më e rëndësishme se kurrë të shpërndash dashuri dhe mirësi për të gjithë!”
Rikujtojmë se ata çmendën dynjanë me këngën e tyre “Señorita” në verën e 2019 e cila deri tani numëron 1.1 miliardë klikime vetëm në You Tube.
Së fundmi, dyshja është komentuar gjatë edhe për lidhjen e tyre pasi të dy kanë bërë disa rrëfime të sinqerta rreth marrëdhënies.
Fillimisht, Shawn tregoi se ishin në prag të ndarjes pasi ai po përjetonte një shok emocional, por fatmirësisht ia dolën ta kalonin me sukses.
Më pas autorja e hitit “Havana” na shkriu zemrat me një super dedikim në rrjetet sociale, ku krah një foto me kanadezin shkruante të gjitha përjetimet e saj dhe se si e kishte ndryshuar Shawn atë si njeri.
Ky i fundit, gjatë një interviste me Access Hollywood ka hedhur dritë mbi “konfliktin e tij të brendshëm” për ndjenjat ndaj këngëtares.
Ai tha se nuk merrte dot guximin t’i propozonte asaj dhe e ka ruajtur pëlqimin e tij për Camilën për 5 vite me radhë.
