Legjenda e basketbollit Michael Jordan fitoi gjashtë kampionate në NBA gjatë karrierës së tij të suksesshme sportive. Ai ka nxjerrë në shitje një set prej gjashtë palë atletesh që kishte veshur kur fitoi ata tituj, që u shitën për një rekord prej 8 milionë dollarësh në ankand.
Oferta fituese e së premtes për “The Dynasty Collection” arriti në 8,032,800 dollarë, duke vendosur një rekord të ri global të ankandit për atletet e veshura në lojëra, sipas shtëpisë së ankandeve Sotheby’s.
Seti përbëhej nga Air Jordan VI (1991), Air Jordan VII (1992), Air Jordan VIII (1993), Air Jordan XI (1996), Air Jordan XII (1997) dhe Air Jordan XIV (1998).
“Ky set përfaqëson koleksionin më të vlefshëm dhe më domethënës të atleteve Air Jordan të sjellë ndonjëherë në treg,” tha shtëpia e ankandeve në faqen e saj të internetit përpara ankandit.
Theksojmë se, vetëm një palë atlete nga çdo version u shitën.
