Harrojeni verën e nxehtë me shumë diell! “AccuWeather” bën të ditur se gjatë stinës së verës pjesa e Evropës Perëndimore dhe Qendrore, do të përjetojnë një periudhë të gjatë të nxehtësisë të shoqëruar me stuhi. Sipas “AccuWeather”, qytetet si Roma, Napoli, Tirana dhe Sofja do të goditen nga një stuhi e madhe që mund të shkaktojë përmbytje dhe rrezik për jetën. Temperaturat do të jenë mesatare në këto shtete, përfshi edhe vendin tonë.
Po ashtu, kombinimi i temperaturave dhe lagështia që vjen nga Mesdheu do të shkaktojnë stuhi në Poloninë lindore drejt Republikës Çeke e në Bjellorusi. Nga stuhitë, rrezikohen edhe Praga, Varshava dhe Minsku. Stuhitë do të shoqërohen nga shiu dhe erëra të forta, shkruan gazeta “Panorama”.
Ndërkohë situata paraqitet krejt ndryshe në Britani të Madhe, veriperëndim të Francës, Belgjikë dhe Holandë, ku temperaturat priten të arrijnë deri në 38 gradë celcius.
