Në Ditën e veteranëve, ish-sekretarja e shtetit Hillary Clinton poston në faqen e saj në Facebook foton me një ushtarak. Imazhi ka bërë xhiron e botës duke marrë vëmendje të madhe, në këto ditë kur kundërshtari i saj Trump po humb Presidencën.
“Pjesëtarët e ushtrisë sonë bëjnë më shumë sesa mbrojnë sigurinë tonë. Ato ruajnë mundësinë që miliona njerëz të jetojnë në përputhje me potencialin e tyre të dhënë nga Zoti. Për gjithçka që keni bërë, Amerika ju është përgjithmonë borxhlie”, shkruan Clinton.
Fotoja ka marrë 73 mijë like për një orë. Jeff Sandness një ndër 12 mijë komentuesit shkroi: “Faleminderit Hillary që vazhdon të qëndrosh mbi të gjitha gënjeshtrat dhe urrejtjen. Ne e vlerësojmë shërbimin tuaj për vendin tonë”.
Dita e Veteranëve (e njohur fillimisht si Dita e Armëpushimit) është një festë federale në Shtetet e Bashkuara e mbajtur çdo vit në 11 nëntor, për nderimin e veteranëve ushtarakë, domethënë, personave që kanë shërbyer në Forcat e Armatosura të Shteteve të Bashkuara.
Armiqësitë e mëdha të Luftës së Parë Botërore përfunduan zyrtarisht në orën 11 të ditës së 11 të muajit 11 të vitit 1918, kur Armëpushimi me Gjermaninë hyri në fuqi. Me nxitjen e organizatave kryesore të veteranëve të SH.B.A.-së, Dita e Armëpushimit u quajt Dita e Veteranëve në 1954.
Për më tepër, kjo ditë është edhe Dita e Grave veterane, që njihet nga një numër në rritje i shteteve amerikane që nderon posaçërisht gratë që kanë shërbyer në ushtrinë amerikane.
