ChatGPT 4 u testua nga Dr. Isaac Kohane, mjek dhe computer scientist në Harvard, së bashku me 2 kolegë të tij, për të parë nëse versioni i ri i Inteligjencës Artificiale performon siç duhet në fushën e mjekësisë.
Epo, rezultatet ishin habitëse! Përgjigjet e ChatGTP 4 ishin më të mira sesa ato të mjekëve!
Në librin e ri “The AI Revolution in Medicine”, mjeku Kohane tregon se në 90% të rasteve, AI i përgjigjej saktë pyetjeve që i bëhen mjekëve në SHBA për licensimin e tyre.
Kjo gjë tregon se ky model është shumë më i përparuar se modelet GPT-3 dhe GPT-3.5, por në disa raste kjo inteligjencë artificiale është dhe më e saktë se disa doktorë të licensuar.
Madje, informacionet në gjuhën teknike, ChatGPT i përkthen në një gjuhë të kuptueshme për të gjithë!
Nëpërmjet dhënies së informacioneve të duhura, sistemi AI ishte në gjendje që të diagnostikonte saktësisht një sëmundje të rrallë të quajtur hiperplazia adrenal kongenitale, që gjendet në 1/100,000 pacientë.
