Prej kohësh Çiljeta Xhilaga ka qenë në qendër të vëmendjes së mediave rozë për historinë e dashurisë me Alban Hoxhën, portierin e Partizanit, një lidhje e cila as është pranuar dhe as mohuar nga asnjëri prej tyre deri tani. Këngëtarja ka qenë e ftuar në emisionin “Rudina” në Tv Klan, ku ndër të tjera është pyetur nga moderatorja edhe për jetën private, të dashurin e saj.
Çiljeta ka pranuar lidhjen me Albanin, duke sqaruar edhe përse të dy përpiqen ta mbajnë larg publikut këtë marrëdhënie.
Këngëtarja tha se nuk u pëlqen të jenë nëpër portale, edhe pse janë njerëz publikë.
“Unë nuk doja ta prekja këtë temë, jo sepse rezervohem, por thjeshtë jemi të dy hermetikë, sepse dashuria është ndjenjë e shenjtë. Ne jemi familjarë, nuk duam të jemi nëpër portale gjithë kohën dhe duam ta mbrojmë lidhjen tonë. Ne vërtetë jemi njerëz publikë dhe kjo na pengon ta bëjmë jetën rehatë dhe të jesh në qendër të vëmendjes nuk të ndihmon. Unë jam një nënë e përkryer për djalin tim dhe ai baba i përkryer për djalin e tij”, tha Çiljeta.
