Thashethemet për një lidhje më tepër se miqësore mes portierit shqiptar Alban Hoxha dhe këngëtares Çiljeta, kanë nisur të bëhen serioze.
Çiljeta është e pranishme në çdo ndeshje të Partizanit dhe i ka dedikuar statuse pafund atij, “portierit të preferuar”, siç preferon ajo ta quajë. Nga ana tjetër Albani u përgjigjet me zemra e puthje këtyre statuseve.
Më pas djali Fernando, nga “Instagrami” i menaxhuar nga Çiljeta, i komentoi “lali Albanit”, duke i thënë je më i miri. Së fundmi janë bërë publike të tjera detaje që shpjegojnë se Çiljeta ka një raport miqësor jo vetëm me Albanin por edhe me të ëmën e tij.
Ato janë shoqe në “Facebook” dhe shkëmbejnë komente dashurie dhe përkujdesi me njëra-tjetrën. Në një foto të Mozës, nënës së Albanit, Çiljeta ka komentuar një zemër dhe puthje. Ka mjaftuar vetëm kaq që “Mimi”, siç Çiljeta e thërret, t’i shkruajë: “Arivatooooo?????”, (Mbërrite?).
Siç duket, kjo ka ndodhur në kohën që Çiljeta ishte në Itali. Më pas Çili nuk e ka lënë me kaq, i është përgjigjur: “Akoma jo, nesër në mëngjes mbërrij. Të bëj tel. nesër Mimi”. Historia vazhdon pasi Mimi i përgjigjet me një “Ok” dhe shumë zemra.
