Tashmë emrin e saj e njohim të gjithë dhe ia dimë përmendësh cdo hit. Tayna është kthyer në ndër fenomenet e këtij viti, e cila jo vetëm që arriti të bëhej e njohur, por ia doli të ishte një ndër reperet më të suksesshme e më të pëlqyera të momentit.
Padyshim, ajo numëron plot fansa të cilët e bëjnë vazhdimisht të lumtur reperen me dedikime të veçanta e dhurata të shumta.
Mirëpo, një dhuratë e marrë së fundmi ka tërhequr vëmendjen e të gjithëve.
Tayna ka marrë 5 kuti me trëndafila të kuq në formë zemre, të cilat formonin emrin e saj Tayna.
Zakonisht, femrat e marrin këtë dhuratë nga partneri apo dikush që e simpatizon, ndaj u bëmë kuriozë të dimë se kush fshihet pas kësaj dhurate të Taynës, e cila do të bënte të lumtur çdo vajzë.
Herë pas here në rrjetet e saj sociale, reperja ka lënë të kuptohet se është single, por nuk e dimë nëse është dikush special që i ka vjedhur asaj zemrën.
