Megjithëse është bërë i famshëm, Ermal Meta është kujdesur që të mbajë diskrete historinë e familjes së tij. E vetmja gjë që është arritur të mësohet, është bezdia që i shkakton babai.
Por cila është historia e tij?
Babai i Ermalit quhet Gëzim dhe është nga Fratari i Mallakastrës. Gjyshi nga babai ishte nënoficer në ushtri ndërsa gjyshja punëtore.
Ndërsa nëna quhet Mira dhe është nga Vlora. Gjyshi nga nëna i Ermalit është oficer me origjinë nga Dibra ndërsa gjyshja ishte egjiptiane me profesion ndihmësmjeke në poliklinikën e qytetit bregdetar.
Njohja e Gëzimit dhe Mirës daton që në shkollë të mesme të muzikës në Durrës, ku Gëzimi studionte flaut, ndërsa Mira violinë.
Pas martesës së tyre, dritare.net mëson se ata u vendosën në Fier dhe u punësuan në shkollën e mesme të muzikës “Jakov Xoxe”, të dy mësues.
Ermali në periudhën parashkollore e kalon shumë kohë me hallën e tij, Mirelën, dhe më vonë shkollohet në institucionin ku punonin prindërit e tij. Që këndej siç duket, vjen edhe pasioni i tij për muzikën.
Pas viteve ’90, dritare.net mëson se prindërit e Ermalit fillojnë të mos kenë mardhënie të mira derisa ndahen.
Nëna ikën në Itali ku edhe martohet me një italian. Në vitin ’94, Mira kthehet bashkë me bashkëshortin italian dhe merr fëmijët duke u rikthyer në Itali.
Pas këtij viti fëmijët i shkëpusin marrëdhëniet me babain e tyre dhe pavarësisht përpjekjeve të Gëzimit të lidhej me fëmijët, kjo nuk u bë e mundur.
Megjithë cilësimit që Ermali i bëri babait të tij si “monstër”, opinioni i qytetit është pozitiv për Gëzimin.
Gjithsesi, pas dështimit të martesës së parë, Gëzimin, realizon një martesë të dytë dhe shpërngulet nga qyteti i Fierit. Pas kësaj nuk dihet vendbanimi i tij, ku një pjesë thonë se është në Tiranë ndërsa të njohur të tjerë e vendosin në Greqi.
/Dritare
