Granit Cana ishte një nga banorët më të përfolur të “Big Brother VIP Albania”, i cili, edhe pse ishte pjesë për një kohë jo shumë të gjatë në shtëpi, ai u komentua gjatë nga publiku, sidomos për marrëdhënien që krijoi me Fifin.
Së fundmi, gjatë një interviste 60-sekondëshe për “Privé”, Graniti ka rrëfyer disa sekrete rreth të gjithë eksperiencës së tij në reality show-n më të ndjekur të momentit si dhe relatat që ka me Fifin.
Ndërkohë, i pyetur se cilën video të tijën në në “BB VIP” do të donte ta fshinte nga rrjetet sociale, ai u përgjigj duke thënë “asnjërën”. Pyetja u specifikua duke thënë nëse do të donte të fshihej ndonjë video në lavanderi (vendi që ai kalonte më shumë kohë me Fifin), ai qeshi dhe pasi u mendua pak, tha sërish se nuk do donte të fshiheshin.
“Cilën video në Youtube nga aventura e “Big Brother” do e fshije?”
“Asnjërën.”
“As ndonjërën në lavanderi?”
“(qesh) Nuk di çfarë të them, jo”
Graniti u pyet gjithashtu se me çfarë numri do ta vlersonte eksperiencën e tij në reality show dhe ai u përgjigj me numrin 7.
Ai theksoi gjithashtu se me Fifin mban ende relata shumë të mira, ku shkruhen shpesh me njeri-tjetrin, por nuk kanë shumë kohë për t’u takuar shpesh, pasi kanë angazhimet e tyre.
