Çmimet e cigareve janë rritur me 15 për qind këtë javë, që i bie rreth 30-40 lekë më shtrenjtë seç kanë qenë. Por rritja e këtij çmimi nuk do të përfundojë me kaq pasi, një valë e re rritje do të vijojë edhe pas vitit të ri.
Këtë javë një paketë Marlboro u shit me 330 lekë nga 320 që ishte javën e kaluar., shkruan Monitor. Gjithashtu një paketë Camel kushtoi 40 lekë më shtrenjtë.
Gjithashtu çmimet e paketave Eva dhe Merita janë rritur përkatësisht me 20 dhe 40 lekë. Paketat Philip Morris kushtuan 70 lekë më shtrenjtë dhe LM 30 lekë më shumë.
Është bëre traditë tashmë që në çdo fund të viti, çmimet e cigareve të rriten edhe pse niveli i taksimit nuk ndryshon. Tregtia e duhanit vijon të karakterizohet nga një informalitet i lartë që nga kontrabanda në dogana dhe me tej në tregtinë e brendshme.
Distributoret e mëdhenj pohojnë se nuk i kanë ndryshuar çmimet dhe kjo rritje po vjen si spekulim nga pakica.
Por a është kjo një arsye për të lënë duhanin?
Nëse po mendon të heqësh dorë nga duhani, atëherë kjo është një arsye e fortë.
Cigaret kushtojnë dhe mos u tronditni kur të kuptoni se jeni duke paguar industrinë e duhanit për t’ju helmuar.
Nëse një paketë kushton 300 lekë dhe një person konsumon të paktën një në ditë, atëherë përmes një llogarie të thjeshtë i bie që të shpenzojë rreth 90 mijë lekë në muaj, ose rreth 1 milion lekë në vit.
Studimet kanë treguar se rritja e çmimit të cigareve i shtyn duhanpirësit drejt prirjes për të menduar lënien e tij. Kështu që nëse shëndeti juaj nuk është edhe aq i rëndësishëm, të paktën mendoni për financat.
