Fakti që ngjajnë si dy pëllumba të dashuruar dhe janë kaq të ëmbël, nuk do të thotë se Nick Jonas dhe Priyanka Chopra nuk e kanë zjarr intimitetin.
Postimi i fundit i Nick ishte goxha me spec dhe bashkëshortja, ia mbajti lojën si zonjë.
Pra, Nick kishte postuar një foto ku shfaqet Priyanka pranë tij në Met Gala, por nëse ai është me shpinë, fytyra e Priyanka-s ka një shprehi shumë të qartë habie duke ngulur sytë tek fundbarku i bashkëshortit të saj.
“Gjejini një përshkrim”, shkruajti Nick dhe njerëzit reaguan ashtu siç mund të reagosh përpara një fotoje si kjo, duke sugjeruar menjëherë përshkrime të tipit:
“Kur është më i madh se ç’e prisje”
“Ai nuk është një gisht i vogël” etj.
Pikërisht këtu, hyri në lojë Priyanka e cila ua bëri të qartë se ajo çfarë e bën të reagojë si në foto, i takon vetëm asaj dhe askujt tjetër.
“Është i imi”, ju përgjigj aktorja radhës së komentuesve që kishin lënë komente plot fantazi.
Në janar, ata kaluan muajin e mjaltit në Karaibe, nga ku postuan foto shumë të ëmbla sepse sigurisht, nuk u ka dalë kot nami si çifti- sheqer i Hollywood-it.
Priyanka, 35 dhe Nick, 25, u martuan në dhjetor, në një ceremoni që bëri bashkë besimet e të dyve: besimin hindu, në një ceremoni tradicionale ku nusja u vesh me një lehenga të kuqe dhe një ceremoni kristiane, me dhëndrin që pret në altar nusen e veshur me të bardha.
Në qershor, Nick udhëtoi drejt Bombay-t, ku në një ceremoni sipas traditave, takoi familjen e Priyanka Chopra-s.
