Një çift lesbikesh janë bërë nëna për herë të parë duke sjellë në jetë një fëmijë të cilin e mbajtën në të dyja mitrat e tyre.
Britaniket Jasmine dhe Donna Francis-Smith mirëpritën djalin e tyre, Otis, dy muaj më parë.
Foshnja lindi përmes Fekondimit Natyral In Vivo, sipas të cilit veza e fertilizuar inkubohet në trupin e nënës, dhe jo jashtë saj siç ndodh me Fekondimin In Vitro (IVF).
Sipas kësaj metode, fertilizimi mes vezës femërore dhe spermës mashkullore ndodh brenda një trupi njerëzor.
Procedura AneVivo u krye në Klinikën e Grave në Londër. Vezët e nënës biologjike u vendosën brenda një kapsule mikroskopike dhe u futën në mitrën e saj ku inkubohen.
Pas inkubimit të vezëve, ato u nxorrën nga mitra e nënës së parë dhe u vendosën në mitrën e nënës së dytë, e cila e mbajti fëmijën deri në lindje.
“Patjetër që na afroi emocionalisht më pranë. Ne jemi një çift i afërt sidoqoftë, por të dyja kemi një lidhje speciale me Otis-in, dhe kjo ndodhi edhe nga mënyra se si e sollëm në jetë”.
Donna shpjegoi se ajo e inkuboi vezën e saj për 18 orë para se të vendosej në trupin e Jasmine.
/The Independent
