Michelle Hunziker dhe Tomaso Trussardi i kanë dhënë fund lidhjes së tyre. Ky lajm është bërë i ditur nga vetë ata me anë të një njoftimi zytar.
Ata kanë deklaruar se arsyen e ndarjes duan ta mbajnë private dhe që tashmë, secili prej tyre do të përkushtohet në rritjen e vajzave.
“Pas 10 vitesh bashkë, ne kemi vendosur të ndryshojmë planet e jetës tonë. Jemi të përkushtuar të ndjekim rrugën e rritjes së vajzave tona të mrekullueshme, me dashuri dhe miqësi për njëri-tjetrin. Ndarja do të mbetet një çështje e jona dhe private. Nuk do të ketë komente të mëtejshme në lidhje me këtë temë për të ruajtur privatësinë e familjes tonë. Michelle dhe Tomaso”, kanë shkruar ata në një njoftim zyrtar të publikuar nga “ANSA”.
Rikujtojmë se historia e midis prezantueses dhe djalit të sipërmarrësit të njohur të modës ka nisur që në vitin 2011. Ata e celebruan dashurinë e tyre në 2014-ën, ndërkohë që u bënë prindër të vajzës Sole dhe Celeste.
Çifti po përflitej prej kohësh për një krizë në marrëdhënien e tyre.
Michelle u bë e njohur në Itali që herët kur u martua me Eros Ramazzotti, ndërkohë që ishte fanse e tij dhe nga martesa në moshën 19-vjecare me të ka një vajzë me emrin Aurora.
