Ata i thanë lamtumirë njëri-tjetrit pas 10 vjetësh. Diane Kruger e Joshua Jackson kanë vendosur të ndahen dhe të qëndrojnë miq.
Asgjë më shumë nuk është bërë e ditur për fundin e një ndër lidhjeve më të gjata në historinë e Hollivudit, shkruan “Vanityfair”.
Diane, 40 vjeç dhe Joshua, 38 vjeç, u lidhën bashkë, pasi aktorja i dha fund martesës me një tjetër koleg, francezin Guillaume Canet, i cili tani është lidhur me Marion Cotillard.
Për herë të fundit, çifti u pa së bashku shkurtin e kaluar. Asnjë reagim nuk ka nga palët, përveç një postimi në rrjetin social të 40-vjeçares, e cila citon vargjet e “Story of life”, poema e fundit e Jimi Hendrix, para se të vdiste: “Historia e dashurisë është si një ‘mirupafshim’ dhe ‘lamtumirë’, derisa të takohemi sërish” .
