Aktori i famshëm i “The Vampire Diaries”, Ian Somerhalder dhe bashkëshortja e tij, Nikki Reed, e cila ka debutuar në “Twilight”, do të bëhen prindër për herë të parë.
Çifti dha lajmin e gëzuar nëpërmjet një postimi në “Instagram”, ku shpreh emocionet për këtë rol të ri që po ndërmarrin. Secili ka shkruar një paragraf të gjatë mbi ndjesinë e të qenit prind bashkangjitur me një foto, ku shihet 38-vjeçari duke puthur barkun e rrumbullakosur të bashkëshortes së tij.
“Ky është kapitulli më i rëndësishëm i jetës sime. Unë dhe Nikki donin t’jua jepnim të parët këtë lajm. Përgjatë javëve të fundit e kemi mbajtur të fshehtë këtë shtatzëni, sepse donim ta shijonim vetëm ne të tre. Faleminderit për energjinë tuaj pozitive”, është shprehur aktori në “Instagram” duke mos e treguar të tjera detaje.
