Amarda Toska dhe Ermal Mamaqi
Ami dhe Ermali janë dy nga personazhet e njohur shqiptarë, të cilët dashurinë e tyre të lindur në skenën e spektaklit “Portokalli” e kanë kurorëzuar prej vitesh në martesë. Pas një sërë programesh të realizuara së bashku dhe biznesit të tyre, tashmë Ami dhe Ermali janë edhe prindër të vogëlushit Joel.
Alban Skënderaj dhe Miriam Cani
Të dy këngëtarë, të dy mjaft të njohur dhe të dy shumë të dashuruar me njëri-tjetrin. Alban Skënderaj dhe Miriam Cani janë një nga çiftet më romantike të showbizit. Ata kanë sjellë në jetë vogëlushen e tyre Ameli.
Ola Hasani dhe Ezdalin Gorani
Janë një nga çiftet e vjetra të baletit në vendin tonë, të cilët tashmë kanë vite që janë të martuar, pas njohjes së tyre në “Akademinë e Arteve”. Ola dhe Ezdalini kanë qenë të pandarë për shumë vite edhe në punën e tyre në Top Channel.
Alban Dudushi dhe Bieta Sulo
Çift në jetë por edhe çift në profesion. Prej vitesh tashmë moderatori dhe gazetari Alban Dudushi dhe Bieta Sulo punojnë së bashku në Top Channel. Tashmë për pak kohë ata do të bëhen prindër të një djali.
Enada Hoxha dhe Gerd Vaso
Nisur si një histori “rivalësh” në balet shumë pak mjaftoi për çiftin e balerinëve Enada Hoxha dhe Gerd Vaso, për t’u kthyer në një nga çiftet më të bukur të artit shqiptar. Ata kanë shumë vite të martuar së bashku dhe prej dashurisë së tyre ka ardhur në jetë edhe vogëlushi bukurosh Roan.
Vesa Luma dhe Big Basta
Edhe pse të dy janë muzikantë, nuk ishte muzika që i bashkoi çiftin e njohur Big Basta dhe Vesa Luma, por kërcimi! Ata u njohën më mirë me njëri-tjetrin gjatë pjesëmarrjes së tyre në spektaklin “Dancing with the Stars” ku dhe u dashuruan. Para pak kohësh çifti kurorëzoi në martesë dashurinë e tyre dhe tashmë janë prindër të vogëlushit Lian.
Salsano Rrapi dhe Erjona Kakeli
Salsano Rrapi ndan të njëjtin pasion për aktrim me bashkëshorten e tij Erjona Kakeli. Dyshja janë bërë prindër të një vogëlusheje dhe janë shumë të lumtur me njëri-tjetrin.
Nora Istrefi dhe Robert Berisha
Robert Berisha po ndjek gjurmët e bashkëshortes së tij për muzikë. Ai është bërë këngëtar dhe e shoqëron Norën kudo nëpër koncerte. Mos është kjo një strategji për të ndejtur afër saj?
Venera dhe Lind Islami
Venera Lumani dhe Lind Islami janë njohur gjatë kompeticionit “The Voice of Albania”, ku Venera u shpall fituese. Tashmë ata jetojnë në Tiranë dhe vijojnë të merren me muzikë, si dhe kanë realizuar bashkëpunime me njëri-tjetrin.
Burimi: ICONstyle
