Modelja Chrissy Teigen u bë nënë për herë të parë vitin e kaluar. Ajo mund të dukej shumë e lumtur, në pamje të parë, por si çdo nënë e re vuajti pasojat e depresionit pas lindjes. Ish-modelja e “Sports Illustrated” ka bërë një shkrim për revistën “Glamour”, në të cilin ka shpjeguar depresionin, që kaloi pasi solli në jetë vajzën e saj Luna, në muajin prill të vitit të kaluar.
Bashkangjitur postimit ajo shkroi: “Kam vuajtur për muaj e muaj me radhë nga depresioni. Gjithmonë kam qenë e afërt me të gjithë ju dhe tashmë po ju zbuloj diçka, që e kam vuajtur për një kohë të gjatë në jetën time”.
Në artikullin e kësaj reviste ajo flet për momentet e bukura dhe ato të këqija me bashkëshortin e saj John Legend, si edhe për momentin kur solli në jetë vajzën e saj Luna.
Ajo shprehet rreth vështirësive që hasi kur i duhej të kthehej në punë.
“Isha ndryshe nga më përpara. Të çohesha nga krevati për të shkuar në xhirime në orarin e duhur, ishte e dhimbshme. Kurrizi më kishte ngrirë. Shpatullat dhe kyçet e duarve më dhembnin. Nuk kisha oreks. Mund të rrija dy ditë pa ngrënë dhe ju e dini sa i rëndësishëm është ushqimi në atë periudhë”.
Ajo nuk mund ta kuptonte pse ishte aq e pa lumtur. Të qenit e lodhur sillte këtë shqetësim të madh.
Burimi: Glamour
