Historitë e tij të dashurisë nuk kanë përfunduar mirë! Marrëdhëniet duket se janë e vetmja fushë për të cilën Chris Brown nuk është i prirur. Këngëtari krijoi filozofinë e tij për dashurinë bazuar në marrëdhëniet e tij të dështuara me Rihanna-n dhe Karrueche Tran.
Sipas mendimit të Brown, meshkujt tentojnë të tradhtojnë partneret e tyre për kënaqësi seksuale dhe jo se janë në kërkim të dashurisë.
Këngëtari amerikan mendon se femrat tradhtojnë kur janë në kërkim të një partneri, i cili tregon dashuri dhe afeksion për to, dhe jo për dëshira seksuale.
“Ne i tradhtojmë të dashurat tona, por ne nuk dëshirojmë që ato të na tradhtojnë ne. Ne tradhtojmë për marrëdhënie seksuale, ndërsa femrat për dashuri dhe afeksion. Ne tradhtojmë më shumë, por femrat tradhtojnë më mirë. Nuk e zgjidhim situatën dhe nuk kthehemi pas. Veprojmë sikur është fundi i botës, kur na tradhtojnë”, shprehet Chris Brown.
