Në faqen e parë të së përjavshmes satirike franceze, Charlie Hebdo, u shfaq karikatura ku Mbretëresha Elizabeth që shtyp Meghan Markle në tokë me gjurin në qafë si në rastin e afro-amerikanit të vrarë nga një oficer policie në Minneapolis.
Kjo karikaturë nuk u prit asapak mirë nga britanikët.
Titulli i kësaj karikature është: “Pse Meghan u largua nga Buckingham?
Ndërkohë përgjigjja të kujton menjëherë fjalët e fundit të George Floyd: “Sepse nuk mund të merrja më frymë”. Ky koment lidhet me intervistën në të cilën Meghan tha se ishte në prag të vetëvrasjes për shkak të mënyrës se si u trajtua nga oborri Windsor.
Të indinjuar janë gjithashtu edhe “Black and Asian Lawyers For Justice”. Sipas tyre, është një kopertinë e një racizmi skandaloz, të neveritshëm dhe fashist”. Për një grup tjetër anti-racist është “një përgjigje mediokre dhe e menduar keq nga Charlie Hebdo që përkeqëson problemin. Kjo formë e thjeshtë e satirës nuk ka vend në luftën kundër racizmit”.
Kujtojmë se karikatura, e cila i referohej vdekjes së George Floyd, shkaktoi protesta në të gjithë Britaninë e Madhe:
“Charlie Hebdo është i rremë në të gjitha nivelet”, shkroi në Twitter Halima Begum, kryetare e grupit kundër racizmit, Runnymede Trust.
Sipas një sondazhi të YouGov, popullariteti i Princit Harry dhe gruas së tij ra në Mbretërinë e Bashkuar pas intervistës: 15 dhe 13 pikë më poshtë, në më pak se dy javë.
