Karl Lagerfeld nuk është për gjërat delikate. Kështu që, kur ai krijoi koleksionin e pranverës 2018 për Chanel, rreth idesë së transparencës plastike, ai e çoi idenë e mushamave kundër shiut, në një nivel më shik dhe ekstrem, pasi shtoi kapelet e shiut, çizmet dhe çantat. Dhe gjëja kryesore: solli një ujëvarë gjigante në Grand Palais për të shërbyer si sfond i koleksionit.
Vendi ishte vërtetë një mrekulli
Në të kaluarën, Chanel ka krijuar imazhin e ajsbergut në Grand Palais dhe ka ndërtuar një “anije me raketa”, por ujëvara mund t’ua kalojë të gjithave në të kaluarën. Në një lartësi rreth 30 metra, ujëvara ishte plot me “shpella” nën të cilave do të dilnin modelet. Nëse kjo tingëllon çuditshëm, ka pasur edhe një mesazh: Chanel i është referuar vendit si një “peizazh i përkohshëm”, që lidhet me çështjet mjedisore me të cilat ballafaqohet bota jonë.
Të gjithë miqtë e Chanel ishin në pistë ose në rreshtin e parë
Kaia Gerber hapi shfaqjen, ndërsa nëna e saj Cindy Craëford ndiqte shfaqjen nga audienca.
Silueta ishte më strikte se zakonisht
Paraqitja kryesore e koleksionit të pranverës 2018 u shfaq që në nisjen e pasarelës: një xhaketë e ngushtë me supet paksa të ngritura, të veshur me një minifund. Pavarësisht se modelet kishin veshur kostume apo fustane, silueta e prerjes së ngushtë në bel, të shkurtër dhe shpatullat e theksuara ishte për çdo veshje.
Aksesorët ishin kudo në “Instagram”
Çizme plastike sipër gjurit, mushamatë e shiut dhe dorashkat plastike ishin vetëm disa nga aksesorët, që Lagerfeld solli për koleksionin e Chanel.
Kishte më shumë xhins sesa prisnim
Herën e fundit që Chanel me të vërtetë solli xhinsin në pasarelë ishte për koleksionin pranverë 2008. Rreth një dekadë më vonë, Lagerfeld dhe ekipi i tij kanë rizgjuar interesin për materialin.
Shfaqja u mbyll me fustanet e bardha të tejdukshme
Veshjet e fundit te Chanel shkëlqenin në reflektimin e ujëvarës. Nuset e ardhshme të marrin shënime.
Burimi: Vogue
