Jonida Vokshi ka dhënë së fundmi një intervistë për gazetën kosovare “Telegrafi”. Në këtë dalje të saj ajo sigurisht është pyetur rreth edicionit të dytë të “BBVK” i cili pritet të nisë së shpejt.
Ndër të tjera gjatë fjalës së saj ajo u shpreh se publikun e presin gjëra të bukura: “Veç a është përgatitur publiku për edicioni ne dytë, se ne po. Ne jemi gati për t’ia nisur, për pak fillojmë. Ka qenë një eksperiencë e re, ndryshe, e vështirë, e bukur, me shumë komponentë brenda, por gjithsesi mbetet ndër ato eksperienca më të bukura për sa i përket televizionit. Dhe mezi pres t’ia fillojmë Big Brother 2-shit.”
Përpos kësaj Jonida hezitoi të zbulonte detaje ekskluzive rreth organizimit të spektaklit këtë vit.
“Sigurisht që jo [nuk do të zbuloj asnjë detaj]…se e lash pak kështu suspancë. Big Brother është vet i tillë formati i surprizave, kështu që s’mund të zbulojmë asnjë gjë momentalisht”, përfundoi Jonida.
