Revista “Time” organizoi një mbrëmje gala në Manhattan për të nderuar njerëzit më me shumë influencë në botë.
Galaja “Time 100” ashtu siç mund ta parashikoni të gjithë solli disa nga veshjet më të bukura.
Një nga çiftet tona më të dashura, Ryan Reynolds dhe Blake Lively, ishin pjesë e tapetit të kuq dhe mbrëmjes. “Faleminderit “Time 100” që më përfshive në këtë listën e njerëzve më brilantë dhe ndonjëherë më të llahtarësh”, shkroi aktori 40-vjeçar.
Blake u shfaq e veshur me një fustan nga koleksioni Vjeshtë 2017 i Marchesa-s, ndërsa bashkëshorti i saj me një kostum blu.
John Legend dhe bashkëshortja e tij Chrissy Teigen ishte një tjetër çift që tërhoqi vëmendjen gjatë mbrëmjes. Supermodelja guxoi duke veshur një fustan të florinjtë nga Angelys Balek, nga koleksioni i vjeshtës.
John Legend performoi edhe në skenën e eventit.
Këngëtarja 24-vjeçare Demi Lovato u emërua si një nga 100 njerëzit më influencues. E talentuara u shfaq me dy veshje të ndryshme. Në tapetin e kuq Demi u shfaq me një fustan madhështor blu nga Zuhair Murad.
Ajo u ndërrua më pas për të performuar në skenë, ku kishte zgjedhur një fustan të zi.
Supermodelja Naomi Campbell tërhoqi vëmendjen ndërsa u shfaq me një pelerinë, të kombinuar me fustanin e saj nga Azzedine Alaia.
Aktorja fituese e “Oscar”-it, Viola Davis ishte epitomi i “glamour”-it me fustanin e saj lejla nga Armani, ndërsa u shfaq me bashkëshortin e saj prej 14 vitesh.
Aktorja 26-vjeçare Margot Robbie di sesi të jetë unike, klasi dhe e thjeshtë në të njëjtën kohë. Fustani i Prada-s i përshtatej stilit të saj.
Modelja e bëshme Ashley Graham di të guxojë, ndërsa kishte zgjedhur një fustan mëndafshi të çarë. Ajo shoqërohej nga i dashuri Justin Ervin.
*Shfleto galerinë
Burimi: Daily Mail
