Çfarë të vishni në zyrë gjatë verës?

Ka gjëra që ne i dashurojmë në verë; kënaqësia e motit të ngrohtë, veshjet e frymëzuara nga festivalet, si dhe valët e detit që janë një mrekulli natyrore. Nëse qëndroni mbyllur brenda në zyrë nga ora 9:00 deri në 17:00 dhe nuk jeni aspak tipa të tillë, nuk do mund të përjetoni të gjitha gëzimet e stinës.

Ka një përjashtim vetëm nëse puna juaj kërkon që të jeni me rroba plazhi 24 orë në 7 muajt e ngrohtë. Kjo është periudha ku djerësisim dhe krijohen probleme serioze me stilin e të veshurit për në zyrë.

Xhaketat dhe pantallonat mund të krijojnë njolla djerse (nga qëndrimi i gjatë në karrige), prandaj duhet pasur kujdes për zgjedhjen e modelit dhe materialit.

Kjo është arsyeja pse zgjodhëm të flasim si stiliste profesionale që jetojmë në një qytet të ngrohtë, ku gjatë verës duhet të shkojmë në punë (në vend që t’ia mbathim për në plazh). Më poshtë janë disa këshilla stili për t’ia dalë në zyra tepër të freskëta edhe pse jashtë nuk bën vapë, por përvëlon.

1.Zgjidhni të shkurtrat.

Gjatë ditëve të nxehta të verës zëvendësoni pantallonat e gjera me ato të shkurtrat, kombinuar me një bluzë deri te kyçi. Kujdes me gjatësinë! Nëse vendi juaj i punës është liberal dhe e toleron një veshje të tillë, atëherë jeni në oazin tuaj, veç bëni kujdes të ruani klasin dhe masën. Për të fiksuar gjatësinë e përshtatshme, vendosni të dyja duart drejt, poshtë, derisa të prekni kofshët, bashkojini gishtat. Fundi i veshjes duhet të arrijë vetëm nën majat e gishtërinjve. Mos guxoni më shumë se kaq!

2.Balanconi veshjen

Një balancim i mirë i lëkurës së trupit me pëlhurën, është raporti i rëndësishëm për të qenë fresk dhe në kërkim të stilit të lartë. Kur vendosni për pantallona të shkurtra dhe pëlqeni të visheni mirë, kombinoni një këmishë me mëngë të gjata që edhe mund t’i përvishni. Ja kështu keni bërë gjënë e zgjuar; jeni mbërthyer lart dhe zbuluar poshtë. Kjo vlen edhe për pantallonat e gjata, zbuloni pak lart, ama vetëm pak! Blogerat e modës dhe stilistët, rekomandojnë të hidhni diçka krahëve, në mënyrë që shpatullat të mos ekspozohen. Bluzat me shirit të hollë duhet të “çiftëzohen” me një triko ose xhaketë.

3.Vishuni si për një ditë të nxehtë edhe kur zyra është e freskët.

Nëse zyra juaj është si e jona me ajër të kondicionuar ku është vërtet shumë ftohtë, mbani me vete diçka. Shtresat janë një zgjidhje e përkryer për të ruajtur stilin tuaj. Rekomandojmë si fillim një bluzë pambuku me shirita të hollë ose një me mëngë të shkurtra. Pastaj veshje mbi të, një e nga një, duke u siguruar që e gjithë pamja të jetë ende e përshtatshme për punë.

4.Materialet e duhura

Pothuajse të gjitha copat për veshjet e zyrës duhet të jenë të lehta, versionet tip lino. Në vend që të shtypni butonin “freskët”, provoni një përzierje pambuku apo mëndafshi. Alternativë është edhe një këmishë klasike, stil burrëror që rri e gjerë në trup dhe lejon ajrin të futet brenda. Preferohet edhe copa poliestër për sezonin dhe kjo rri mirë me çdo veshje; pantallonat lino dhe pambuku janë perfekte. Nëse zyra në kodin e saj të veshjes e mirëpret xhinsin, atëherë kombinojeni me bluza të pambukta.

5.Mos rrini në dilemë. Zgjidhni të mesmen, (gjatësi poshtë gjurit).

Deri ku quhet “e shkurtër”? Gjatësia modeste poshtë gjunjëve, është alternativa më e sigurtë. Kjo tolerohet për çdo vend pune. Trendi i këtij sezoni kërkon stilin elegant dhe të ftohtë, në një fund me prerje pas trupit, poshtë gjurit

6.Zgjidhni një palë kominoshe.

Kominoshet janë dashuri këtë sezon dhe rekomandojmë një palë për në zyrë. Zgjedhje e drejtë, ato janë të vështira të përshtaten shumë thjesht me gjithçka. Vijani syrin atyre që ju shkojnë dhe dukeni elegante, sidomos nëse i shoqëroni me një palë taka dhe çantën e duhur.

7.Një lloj krehje për flokët; kapje në formë topuzi.

Flokët e gjatë e të ëmbël mund të ndihen si një xhaketë e padëshiruar për kokën tuaj nën diellin e nxehtë të verës. Një krehje e lëmuar, në krahasim me të pasurit flokë të mbledhur, gjithmonë krijon një përshtypje të përsosur. Një kapje e flokëve në formë topuzi për verë, do të jetë një shpëtim kur jeni duke djerësitur.

8.Eksploroni trendet e reja.

Deri tani po flisnim se çfarë duhet veshur që të dukemi bukur në zyrë, t’i rezistojmë të ngrohtit, duke mos gabuar në kodin e veshjes. Po përse mos të provojmë edhe trendet e reja? Me një kafkan të ri nga koleksioni i verës me material të hollë dhe prekje të ngjyrave të lehta, sipër një këmishë ose një bluzë të bardhë pambuku, do dukeni trendi dhe shumë komforte për në punë. Fustanet, pa ato s’mund të rrimë dot. Lexoni më poshtë 4 trendet e reja të fustaneve që mund t’i vishni në zyrë.

  *Publikuar në revistën “ICON” nr. 4.