Dita me shi, si kjo e sotmja, mund të duket si “pauzë” nga jeta normale, por në vend që ta kalosh duke u ankuar për motin gri, provo t’i japësh vetes një dozë qetësie, kujdesi dhe… kënaqësie. Ja disa ide për t’u ndjerë mirë pa dalë nga shtëpia:
1.Krijo rutinën tënde të drekës
Pse të mos eksperimentosh me një pjatë të re? Një supë e ngrohtë me perime të stinës, një tost me avokado dhe vezë, apo edhe një pjatë pasta me vaj ulliri e limon janë perfekte për këtë mot.
2.Bëj “detox” dixhital për 1 orë
Lëre telefonin, fik rrjetet sociale dhe merr një orë për veten. Lexo një kapitull libri, shkruaj në një fletore, ose thjesht dëgjo muzikë.
3.Pasdite “spa” në shtëpi
Vendos një maskë fytyre, ndiz qirinj aromatikë dhe vendos playlist-in e preferuar. Shi jashtë, qetësi brenda – s’ka kombinim më të mirë.
4.Bëhu kreative me rrobat
Provo kombinime të reja veshjesh që s’i ke veshur kurrë bashkë. Mund të të vijë frymëzimi për “look”-un e radhës!
5.Telefonata me mikun/miken që s’ke folur prej kohësh
Shiu sjell melankoli, por edhe ndjeshmëri. Përdore për të rilidhur një bisedë të munguar.
