Domenico Dolce dhe Stefano Gabbana prezantuan koleksionin e tyre Pranverë 2017, në Javën e Modës në Milano të dielën. Ndërsa mund të dukej vjeshtë jashtë dyerve të skenës, dyshja e transformoi shfaqjen në një parajsë tropikale, para një audience që përfshinte Cameron Dallas, Lucky Blue Smith dhe Sofia Richie.
1.“Tropico Italiano” shkruhej me drita në pjesën e pasme të pasarelës së “Dolce & Gabbana”-s. Ishte kompletuar me palma dhe rërë për të dhënë mesazhin e argëtimit në plazh.
2.Gjithmonë do të ketë një numër celebrities në radhën e parë të “Dolce & Gabbana”-s. Ky sezon përfshinte Sofia Richie, Cameron Dallas, Luka Sabbat dhe Sarah Snyder.
3.Modeli dhe muzikanti Lucky Blue Smith ishte gjithashtu në shfaqje me motrat e tij, së bashku ata kanë formuar grupin “The Atomics”.
4.Ndërsa dritat nisën të uleshin, nisi edhe shfaqja. Kur një grup kërcimtarësh vrapo nga hyrja dhe nisën të performonin.
5.Pas largimit të kërcimtarëve, shfaqja u hap me një paraqitje të frymëzuar nga marshimet, të kompletuar me një çantë stil daulleje.
6.“Dolce & Gabbana” është i famshëm për këpucët me taka me zbukurime, ndërsa nuk mungonin as ato, marka kishte shtuar edhe atletet në paraqitjen e tyre. Konsiderojini si një opsion për femrat e bukura që kanë si prioritet komfortin.
7.Kishte një kast të yjeve më të kërkuara në pasarelë, përfshirë Stella Maxwell, Taylor Hill, Sara Sampaio, Hailey Baldwin, Elsa Hosk dhe Romee Strijd.
8.Do të jetë e vështirë t’ia kalojnë “Dolce & Gabbana”-s për printimet këtë sezon, që përfshinin nga “spaghetti” te akullore apo peshqit e ndryshëm.
9.Sezon pas sezoni, “Dolce & Gabbana” i kanë shfaqur shpesh modelet me kurora të përpunuara. Këtë herë kishte zbukuruar edhe çantat dhe këpucët.
10.Ndërsa një modele me një fustan kokteji mbylli shfaqjen, kërcimtarët u rikthyen për të nisur një paradë të modeleve me T-shirt dhe pantallona të shkurtra D&G.
*Shfleto galerinë
Burimi: Vogue
