Blake Lively ka fshirë çdo foto në profilin e saj në “Instagram”.
Po e vërtetë! Gjithçka. Zero. Nada. Nothing.
Tashmë profili i saj me 20.4 milionë fansa, ndjek vetëm 24 femra që quhen “Emily Nelson”. Madje Blake nga fshirë nga profili i saj në “Instagram” edhe bashkëshortin Ryan Reynolds, me të cilin ka edhe dy fëmijë.
Të gjithë kanë vetëm një pyetje të vetme: “Çfarë ndodhi me Emilyn?”
Mos ndoshta ajo dhe Ryan Reynolds të jenë ndarë (ishalla jo) dhe ajo nuk do asnjë foto që t’i kujtojë jetën e mrekullueshme me njëri-tjetrin? Mos ndoshta i kanë vjedhur profilin e “Instagramit”? Me shumë mundësi nga një person me emrin Emily Nelson?
Revista “Elle” shkruan se kjo taktikë e Blake, mund të jetë një fushatë në internet për të paralajmëruar trillerin e saj më të ri “A Simple Favor” ku ylli 30-vjeçar do të luaj në krah të Linda Cardellimi dhe Anna Kendrick.
Në film, Stephanie nis të kërkojë të vërtetën për zhdukjen e mikeshës së saj më të mirë Emilyt, që luhet nga Blake Lively. Revista “Elle” zbulon se në novelën e Darcey Bell, ku është bazuar edhe filmi, mbiemri i Emilyt është Nelson. Ja ku u zgjidh edhe misteri.
