Një lëvizje e vogël në rrjete sociale ka mjaftuar për të ngritur pikëpyetje të mëdha. Elhaida Dani nuk e ndjek më partnerin e saj, balerinin Ledian Agalliaj, në Instagram një detaj që nuk ka kaluar pa u vënë re nga ndjekësit dhe mediat rozë.
Në epokën digjitale, një klikim shpesh interpretohet si mesazh. Këngëtarja e ka hequr Ledianin nga lista e personave që ndjek, ndërsa balerini vazhdon ta ndjekë Elhaidën. Një asimetri që ka shtuar spekulimet, sidomos pasi Lediani ka zgjedhur të vendosë në profil një foto të tij nga shumë vite më parë, një zgjedhje që disa e lexojnë si simbolike.
Nuk ka asnjë reagim zyrtar nga çifti, çka i lë hapësirë interpretimeve: bëhet fjalë për një krizë në çift, një vendim impulsiv, apo thjesht një gabim njerëzor që në botën e rrjeteve merr përmasa të mëdha?
Elhaida dhe Lediani janë bashkë prej tre vitesh dhe lidhja e tyre ka qenë ndër më të komentuarat. Historia nisi në skenën e Dancing With The Stars, aty ku bashkëpunimi profesional u shndërrua në romancë. Megjithatë, në fillimet e saj, lidhja u shoqërua edhe me polemika, pasi u përfol se raporti i mëparshëm i balerinit përfundoi në kohën kur ai u afrua me Elhaidën.
